Filiberto Ojeda Rios
Filiberto Ojeda Ríos foi o líder fundador do Exército Popular Boricua, que loitaba (loita?) pola independencia de Puerto Rico dos Estados Unidos. Tiña 73 anos. O 23 de setembro de 2005 foi asasinado nunha operación secreta do FBI na aldea onde se agochaba.
Os delitos dos que estaba acusado eran de roubo e evasión. Databan dos anos 80. Filiberto levaba anos fuxido. Debía ser moi perigoso porque en lugar de proceder á súa detención, foi abatido nun tiroteo. Ferírono nunha clavícula pero logo deixaron que se desangrase durante varias horas. A operación non foi reportada ás autoridades portorriqueñas, que reaccionaron moi críticamente. O gobernador da illa calificou o feito como “impropio” e “altamente irregular”.
As actividades do EPB desde a súa fundación en 1976 inclúen 3 militares americanos mortos, varias sabotaxes a instalacións ianquis e o roubo de 7 millóns de dólares á Wells Fargo. Filiberto fóra apreixado en relación con este roubo, mais conseguira fuxir da xustiza.
Disque era brillante intelectualmente. Entrou na universidade con só 15 anos.
De mozo tocou a trompeta e a guitarra nunha banda de salsa.
